طريقة عمل صينية بطاطس بالفراخ

طوق الياسمين

مشرف عام
طاقم الإدارة
#1



وقت التحضير: 10 دقائق
وقت الطهي: 45 دقيقة

المقادير: فرخه مقطعه 4 اجزاء او 8 حسب الرغبه
عدد 4 حبات بطاطس كبيرة
عدد 2 بصله
عدد 2 طماطم جامدة
عدد 4 طماطم للعصر
توابل (ملح-فلفل-كمون-نعناع )
مكعب مرقة دجاج

التحضير: اولا نحط الفرخه المتقطعه فى طبق ونغسلها كويس اوى بالميه والخل والدقيق والليمون
ونشطفها ونشيلها
ثانيا نتبلها بالملح+فلفل+كمون+نعناع ( ونتركــــــــــــــــها لمده نص ساعه )
نقطع البطاطس والبصل طرنشات
نتبل البطاطس و البصل بالملح والكمون والنعناع برضو
ونقطع عدد 2 طماطم جامده فى طبق طرنشات
ونضرب فى الخلاط عدد 4 طماطمات ونزودها ملح بسيط

الطبخ: نجيب الصينيه اللى هنحمر فيها
نحط فيها شوية زيت مش كتير (لان الفرخه بتنزل دهون)
ونحط نص البطاطس والبصل اللى تبلناهم
ونحط نص الطماطم اللى ضربناها فى الخلاط
ونحط الفراخ
ونكمل باقى البطاطس والبصل وعليهم باقى الطماطم المضروبه فى الخلاط
ونحط على الوش الطماطم المتقطعه شرائح
ونحط على الفراخ ملعقه زيت
ونحط على الوش شوية نعناع
والآخر نحطها فى الفرن
وبعد ما الفراخ تستوى شويه نطلعها ونحط عليها معلقة صلصة طماطم (جاهزة)
ونحطها تانى فى الفرن
وبالهنا والشفا