طريقة رفع ترتيب موقعك في جوجل ، كيف ترفع ترتيب منتداك في جوجل

admin

الادارة
طاقم الإدارة
#1
طريقة رفع ترتيب موقعك في جوجل ، كيف ترفع ترتيب منتداك في جوجل

بسم الله الرحمن الرحيم , معاك أحمد عادل مؤسس موقع أصول السيو ومؤلف كتاب أصول السيو ومشرف فى أكاديمية عربى كاش على قسم ال Search Engine Optimization .

تعرف انك ممكن
رفع ترتيب موقعك فى جوجل على أى كلمة انت عايزها , طيب تعرف انك ممكن تزود من قوة موقعك فى جوجل , طيب أية رأيك لو موقعك أخد دفعة للامام وبقى الاول فى جوجل ؟

حنتعلم مع بعض دلوقتى طرق بتغفل عنها الناس مع أنها مهمة أوى , معظم الناس بتركز على انها تبنى روابط عكسية لموقعها ودى حاجة مهمة بس مهمة بجانب أنك تاخد الوصلة من موقع مرتبط بمجال موقعك أو مدونتك .

حقولك دلوقتى على 10 أو 9 طرق من خلالهم حتقدر انك تجيب ترتيب فى جوجل إن شاء الله :-

أبحث عن المواضيع

مش حكلمك هنا ازاى تكتب موضوع , والكلام دة كلة, أنا اللى حقولهولك هنا ان فى أدوات من خلالها تقدر توصل لمواضيع فى مدونات ومواقع ومنتديات تحط فيها وصلة لموقعك . عندك أداة زى مثلاً Free Blog commenter دى أداة جيدة بتكتب الكلمة المفتاحية وهى بتتولى انها تجيب ليك عدد من المواضيع اللى مكتوب فيها كلمتك المفتاحية .

لازم تعرف برضةان ال page Rank بيكون موجود بجانب كل موضوع بيتم البحث عنة , وطبعاً دى حاجة فى قمة الروعة لو إستغلتها صح , لأن فى السيو أو فى اشهار المواقع فى جوجل مهم جداً انك تاخد وصلة من موقع له بايج رانك عالى .

مواقع الويب ذات العلاقة وذات الارتباط

حاجة مهمة جداً أنك تاخد وصلة لموقعك فى موقع مرتبط بموقعك . وأقصد هنا علاقة موقعك بالموقع الثانى من حيث المجال , اوضحلك بمثال : لو أنت عندك موقع مثلاً عن النباتات , وانا عندى موقع عن كمال الاجسام هل تعتقد ان بينهم أى ارتباط ؟ طبعاً مفيش أى أرتباط .

والصحيح أنك تاخد وصلة من موقع تانى عندة نفس اللى عندك يعنى لو انت موقعك عن النباتات مثلاً ممكن تاخد وصلة من موقع بيتكلم عن أساليب الزراعة أو ممكن تاخد وصلة من موقع مهتم بالنباتات زيك تماماً .

ودى قاعدة ذهبية فى السيوأو فى اشهار المواقع فى جوجل وهى انة لازم يكون فى إرتباط بين موقعك وبين الموقع الثانى وبعد المثال المشروح أظن فهمت الفكرة .

أبحث عن المواقع المحترمة.

من المهم أنك تبعد تماماً عن المواقع غير المحترمة . المواقع غير المحترمة زيهم زى الجيران السيئين تماماً , فحاول انك تبعد بأى شكل عن المواقع السيئة أو الغير محترمة لأن الوصلة اللى حتيجى منهم حتكون أضرارها أكثر من منافعها , وتجنب تبادل الوصلات مع المواقع الغير محترمة وإلا ممكن جوجل يطردك . وممكن عشان تتجنب المواقع غير المحترمة أنك تستخدم الاتى :-

بص على تنظيم موقعهم , هل موقعهم منظم هل بيحطوا حاجات مفيدة ؟ هل ممكن يجى من وراهم أى فائدة لموقعك ؟ طبعاً لو الاجابة بالنفى أبتعد عنهم تماماً .
بص على الموقع بوجة عام هل الموقع أنت شايفة محترم فعلاً وجدير بأنك تحط وصلة ليك فية ؟
هل لو الموقع بيعرض سلعة للبيع ممكن أنا اشترى منة ؟ يعنى هل شكلة يوجى بالثقة ؟
هل ترتيب الموقع فى أليكسا مرتفع ولا منخفض ؟
هل بيتردد علية زوار ؟

وكقاعدة فى السيوأو فى اشهار المواقع فى جوجل انك تاخد وصلة من موقع من نوع one way وتكون الوصلة دة لموقع بيتردد علية عدد كبير من الزوار أو بيعرض محتوى جذاب .

أبحث عن أدلة المواقع

لو كنت عايز ترتيب فى جوجل عليك بأنك تعمل الحاجات اللى جوجل بيفضلها , ومن الاشياء المفضلة لجوجل هى إضافة موقعك لأدلة المواقع .

لازم تعرف انك لو انك مقتدر على انك تأخد وصلة من دليل ياهو يبقى كدة حاجة كويسة جداً جداً وللعلم سعر الوصلة فى دليل ياهو 299 $ عموماً حاول تاخد وصلة لو كنت مقتدر على كدة ,أما لو معرفتش تاخد وصلة من ياهو ممكن تضيف موقعك فى أدلة المواقع اللى متعارف عليها فى العالم من ضمن الادلة دى
ODP - Open Directory Project دليل قوى جداً جداً ممكن تستفيد منة فى أنك تبنى رابط عكسى لموقعك , و هو مشكلتة الوحيدة انة قبولة للموقع مش بيكون فى نفس اليوم يعنى ممكن ياخد اسبوع أو أكثر .

ومن الامور المهمة جداً جداً فى السيو " اشهار المواقع على جوجل " انك تبداً تبنى روابط عكسية من خلال إضافتك لموقعك فى ادلة المواقع .

أبجث عن مكان لأضافة رابط لموقعك .

زى ما قولت قبل كدة فى أدوات ممكن تستخدمها وتبحث من خلالها على مواضيع فى المدونات والمنتديات

وصلات عشان تحط فيها رابط لموقعك . لأزم تستخدم الاداة دى فى انك تحط رابط موقعك بداخل المواضيع اللى انت لقيتها , عشان تكسب روابط عكسية .

6.ابحث عن المنتديات المرتبطة .

المنتديات من أقوى الحاجات فى اللى ممكن من خلالها تكسب باك لينكس . ناخد مثال على كدة أنت دلوقتى شخص مهتم بالتصوير الفوتوغرافى وعندك موقع عن التصوير الفوتوغرافى , ولقيت من خلال بحثك منتدى خاص بالتصوير الفوتوغرافى , ممكن تبدأ تشارك فى المنتدى بمواضيع , وتحط رابط لموقعك بداخل الموضوع وممكن برضة تحط رابط لموقعك بداخل التوقيع يظهر مع كل رد بتقوم بية .

ومن خلال مضاعفتك لموجهودك فى الرد وفى انشاء المواضيع ممكن ترد على 10 مواضيع فى 5 منتديات فيهم رابط لموقعك وبتالى , حتكون النتيجة أكثر من 150 رابط فى الشهر .

وسيلة قوية جداً جداً فى عالم السيو أوفى اشهار المواقع فى جوجل أنك تاخد وصلات لموقعك من نوع دوفولو .

أستخدم جاسوس المنافسة.

فى الانترنت عموماً تقدر تعرف أكثر من 1000 منافس فى أقل من 20 ثانية , ومن خلال جاسوس المنافسة تقدر تعرف وسائل المواقع المنافسة ليك , تقدر مثلاً أنك تعرف المواقع اللى اعتمد عليها المنافس ليك فى تصدرة النتائج وتمشى على خطاة وتتصدر انت كمان النتائج وتتفوق علية .

تقدر تعرف من خلال الاداة دى عدد الروابط العكسية اللى يمتلكها المنافس ليك وهل هى من نوع قولو ولا من نوع نوفولو يعنى موضوع لذيذ جداً ومن خلالة تقدر تعرف انت ممكن تعمل اية فى الايام اللى جاية .

الاداة التى أستخدمها أنا هى موقع
Backlinks Checker Tool - Backlink Watch من خلالة استطيع أن ازود عدد الروابط العكسية لموقعى على حسب قوة المنافسة.

طبعاً مفيد جداً فى لتحسين ترتيب موقعك فى محركات البحث لو بتنافس على كلمة "اشهارالمواقع فى جوجل "

انك تعرف المتصدر النتيجة الاولى فى جوجل عدد الروابط العكسية عندة كام رابط ومدى قوتهم .

زود مقالاتك برابط لموقعك .

لو كنت عايز تخلى عناكب محركات البحث تفهرس موقعك عليك بأنك تضيف مقالات مثيرة لجوجل فى مواقع المقالات . وممكن بعد ما تكتب المقالة بتاعتك تحط رابط لموقعك , ولما الرابط يتفهرس حتاخد باك لينك وأكيد حيكون قوى لأنة حيكون من موقع مقالات .

بمجرد كتابتك لمقالة جديدة عليك بأنك تشاور على المصدر الاصلى للمقالة وهو موقعك طبعاً –حفاظا على الملكية الفكرية وحقك فى نفس الوقت- .وبكدة حتكون بتكسب زوار لموقعك وفى نفس الوقت بتكسب رابط عكسى من نوع Dofollow دة حيرفع ترتيب موقعك فى جوجل .

ممكن برضة تحط كلمتك المفتاحية فى توقيعك فى المنتديات زى كلمة "السيو" أو "اشهارالمواقع فى جوجل " وتبدأ تحطهم على هيئة هيبر لينك .

9.أبحث عن المواقع ذات البايج رانك المرتفع من 3 إلى 10

دائما عود نفسك على ان تقوم بنشر موقعك فى المواقع صاحبة البايج رانك العالى , مثلاً لو عندك موقع له بيج رانك 7 ونوع روابطة Dofollow لازم تستغل الفرصة وتقوم بوضع رابط لموقعك . طبعاً توقع أرشفة سريعة جداً وتوقع سرعة فى قبولك فى جوجل وتوقع تصدر النتائج بمجرد اما تاخد وصلة لموقعك من صفحة لها رانك عالى .

من الممكن تعمل تبادل للروابط شرط ان يكون الموقع عندة page Rank عالى وروابطة من نوع دو فولو , ودة أهم شيئ فى السيو أو فى اشهارالمواقع , وهو دة السراللى أغفل عنة معظم الناس .

10. أبدأ فى عمل ping لموقعك

حاجة مفيدة انك تبدأ فى عمل ping لمحتويات موقعك , وفى أداوات ممكن تساعدك على انك تعمل بينج للمحتوى وللبحث عن الادوات افتح جوجل واكتب فى مربع البحث 'blog ping service' و أفتح المواقع اللى بتعرض الخدمة .

طبعاً الهدف من البنج هو تسريع فهرسة الروابط اللى فى موقعك و اللى فى المواقع اللى متاخد منها الوصلات

أنا استخدمت
Blog pinger - Blog ping service موقع أعتقد انة جيد .

فى اشهار المواقع او فى السيو لابد انك يكون عندك روابط مشيرة لموقعك وبعدد كبير عشان تقدر تسيطر على أكبر قدر من الكلمات .

المقال مترجم من موقع ezine article للغة العربية , والمقال ترجمتة اهداء للمهتمين ب
السيو و اشهار المواقع فى جوجل
 

مزاج كاتب

مراقب اقسام
طاقم الإدارة
#3
رد: طريقة رفع ترتيب موقعك في جوجل ، كيف ترفع ترتيب منتداك في جوجل

شكرا لك أخي الغالي على تقديم هذا الموضوع المهم..سلمت يداك:hh14 :
 

يويا

مراقبة الاقسام الفنية
#4
رد: طريقة رفع ترتيب موقعك في جوجل ، كيف ترفع ترتيب منتداك في جوجل

شكراً لك من القلب على هذآ المجهُود ,
دآم عطـآءك المميز يَ رب !
دمت بحفظ الله ورعآيته .
لِ روحك السعاده


 

سحر الشرق

مشرفة قسم الرومانسية و الصور
#5
رد: طريقة رفع ترتيب موقعك في جوجل ، كيف ترفع ترتيب منتداك في جوجل

مشكووور ع الطرح القيم يعطيك الف عافية
دمت بخير
 

بنوته مصريه

مراقب اقسام
طاقم الإدارة
#6
رد: طريقة رفع ترتيب موقعك في جوجل ، كيف ترفع ترتيب منتداك في جوجل

:5h3: