ابلياك ماعيش

للشاعر المبدع ايهاب المالكي



ابلياك ماعيش اليكلك عشت
بعيوني احلفك منه تاخذ حذر
انه اطمىن يمك واذا تبتعدمن كل شي يمي انه
احس بخطر
الليل يدري اشكداحبك لان
وياك عيني تستلذ بالسهر
اذبل لحد ماارتوي بشوفتك
جن سنبل الروح وعشرتك نهر
ابلياك كلشي ايصير مابيه طعم
ماميز ابين الورد والصخر لو راد ياخذني القدر كلي الك
بس لابيني وبينك ايمر قدر
علمت روحي من زغر شوفتك
ردتك صدك تبقى نقش عالحجر
تشتاك الك روحي اذا سافرت
مثل النوارس من تحن للبحر
انه شسوي بالنظر لو رحت
من تمشي كلي حتى اظمه النظر
مادور بحبك خساره وربح
مافكر ابكلبي ربح لو خسر
كل اليهمني انه احبك فقط
حب لونه صافي ابيض من الكمر
ابلياك كلبي ايصير مابيه نفع
شيفيد كلي الغيم البلا مطر
عين الاشوفك بيها احس تختلف
مو نفس عيني البيها اشوف البشر
مرات احجي صورتك عالورق
من اخلط احساسي اويه لون الصور
امشي ابحياتي وامعن ابخطوتك
حتى امن اتيهك عالاقل الكه اثر
انه امن اعوفك
جدمي يمشي ابثكل بثكل الجدام الماله
من السفر
ومن تمشي عني الكون احس يختنك
والعالم ابكبره احس بيه زغر
بس لمن اترد لي ارد اكتشف كل شي ابمكانه
وانت حبك كبر

رد: ابلياك ماعيش

كل الشكر والامتنان على روعهـ بوحـكـ ..

وروعهـ مانــثرت .. وجماليهـ طرحكـ ..

دائما متميزه في الانتقاء

سلمت يالغاليه على روعه طرحك

ابيات في قمة الروعه

نترقب المزيد من جديدك الرائع

دمت ودامت لنا روعه مواضيعك

اجمل تحيه و كل الود

رد: ابلياك ماعيش

منور ساري
شكرا على مرورك
وردك الجميل
تحياتي لك