كلي شلون اعوفك واكدر انساك

كلي شلون اعوفك واكدر انساك وكلي بيا عذر احبس دمعتي
واني شلون اصبر وكت الفراك
اذا كبن علي ناري وحسرتي
تريد انساك؟ خادم بس ورة الموت وكت ما انزل اني بنص حفرتي
وكت ما تجي انت تهيل التراب
و وكت ما ينطفي النور بمهجتي
ولكن هسة تعذرني يمحبوب
ما افرط بكد ذرة بمحبتي
وما انساك وابعد وارجع وحيد
لأن ضايكهة وك تكتل وحدتي
انسى الي تطلبه وخلنة احباب وظل بوسط كلبي و وسط روحي
لأن جروحي ما تكدر بلياك
عليك تعودن ذني جروحي
واعرفك انة واثق منك هواي
ما تهدملي بفراكك صروحي
ولا تعشك ونيني ودمعة العين
ولا تطرب بمعزوفات نوحي
يروح رويحتي يا نور العيون
دكل للفركة يا فركة دروحي
وخلينة نظل اثنينة احباب
ورد انت لمكانك وسط كلبي
وارجعلي ولك يا ضي العيون
وشع نور المحبة وضوي دربي
لأن محتاجلك ما احمل فراك
اموت بفركتك يشهدلي ربي
لأنك انت من شافيت الجروح
وكلبي انت التداريه والتربي
كالوا لا تحبه تصيبك ذنوب
وكلت انة شحلاتة هذا ذنبي
يريت ذنوبي كلهة تصير وياك
شحلاتة الذنب لو منك اجاني
المهم ما اعوفك ولا امر بالفراك
ولا من لوعتي وشوكي اعاني
ريتك ما عشت وياي بس طيف
يريت بصحوتي شخصك لفاني
انة عندي امل بالخلق هالكون
يجيبك الي يم روحي يم اني
بس ربي العرفني شكثر تانيت وشكد مستعد لأجلك اتاني
المهم بيك النظر يتكحل بيوم
وتتحقق بجيتك هالاماني

رد: كلي شلون اعوفك واكدر انساك

إصرارُ على العشقِ عجيب..و هيام بالمحبوب رائعٌ و لا نقول غريب..و نظمٌ نابع من القلب و منتهاه عند قلب الحبيب..شكرا لك و سلمت يداك

رد: كلي شلون اعوفك واكدر انساك

منور الصفحة بكلماتك الرائعة
شكرا على مرورك
تحياتي

رد: كلي شلون اعوفك واكدر انساك

طرح رائع ومميز
يعافيك ربي على هالطرح الرائع والجميل
سلمت اناملك ع الموضوع الاكثرمن روعه
بنتظارجديدك القادم ..

رد: كلي شلون اعوفك واكدر انساك

تعطرت صفحتي بوجودج الطيب
تحياتي لكي