برنامج مكثف من الطبيعة للعناية بشعرك وحمايته من التساقط

أ

أاحمد مكي

عضو جديد
#1
#1

:9h2:​



برنامج مكثف من الطبيعة للعناية بشعرك وحمايته من التساقط ​


​




السلام عليكم​

اولا عايزة اقول ان مش كل حد بياخد كل حاجة ​

بمعنى ان واحدة ممكن تكون اتولدت بالوراثة ​

يعنى شعرها تقبل جدا بس جاف و ناشف جدا و بيقصف ​

وواحدة تكون اتولدت شعرها خفيف بس ناعم جدا ​


فارائى كل واحدة عندها عيب و ميزة فى شعرها فتحاول انها تظهر الميزة ( اى كانت ) ​

و تهتم انها تحسن العيب على قد ما تقدر و تحمد ربنا على الى عندها ​


عايزة اوضح نقطة مهم بردوا قبل بداية البرنامج ​

ان يمكن اصعب مشكلة هى اعادة نمو الشعر من تانى ​

فعشان كدة الموضوع محتاج مثابرة بجد و التزام البنت او السيدة التام بالبرنامج ​

و مدة العلاج تبدا من 6 شهور لسنة تقريبا ​


البرنامج دى هينفع اوى اى واحد بتعانى من الشعر الخفبف و خصوصا فى مقدمة الشعر​


البرنامج لازم عشان يجيب نتيجة تحفة لازم تلتزمى بكل الخطوات​


البرنامج هيتكون من ست خطوات ​


فيتامينات للشعر ( بنتوجار )​


زيت الخروع​


كريم روتاج​


ثوم+ حنة​


النخاع ​


حقن ميزوثرابى للشعر ( عند دكتور مختص)​




​



ول خطوة:
هنعمل ثوم مرة فى الاسبوع فى يم محدد تختارى انتى زى الخميس او الجمعة ​



طريقة التوم:
بتجيبى ثوم عادى و لازم تهرسى بالهاون فقط فقط
محدش يستخدم اى حاجة تانية لهرس الثوم
لان مش هيبقى لى اى لازمة الهاون هدقى مرتين تقريبا لغايت ما تتقسم التومية
و هتلاقى طلع منها حاجة كدة زى المية
( دى الزيت العطرى بتاع الثوم)
تاخديها على طول و تقسمى شعرك و تبداى فى حك المناطق الخفيفة بالثوم
لغايت ما تحسى ان فى حرارة فى شعرك
اعملى شعرك كلة بالطريقة دى
و بعد كدة اعدى تحت البخار ربع ساعة
لو مش عندك جهاز بخار الشعر البسى بونيية البلاستيك دى
و اعملى فوقية بالسشورا ربع ساعة لو مش عندك جهاز البخار و لا سشوار
هتقعدى ساعة بالتوم على شعرك ​



خلص الوقت المحدد للثوم هتعملى اية بقى ​

الاول ابتدى نضفى شعرك من اى بقايا ثوم فى ​

و بعد كدة حضرى الحنة بتاعتك تكون جاهزة و حطيها على طول
( دى الحاجة الوحيدة الى بتشيل ريحة الثوم نهائيا )
بس كدة دى اول خطوة ​


عايزة تعرفى طريقة الحنة المظبوطة شوفى موضوعى عن طرق الحنة المختلفة ​


طريقيتين للحنة مفيش غيرهم ( من خبيرة تجميل)
لو محتارة او عندك اسئلة او مش عارفة ادخلى​





تانى خطوة:
دورى على دكتور كويس يعملك ميزوثرابى فى شعرك
و هى عبارة عن حقنة واحدة بس فيها فيتامينات و حاجات مهم اوى لنمو الشعر
بتحقن مباشرة فى بصيلات الشعر فى الاماكن الخفيفة عندك
( و دى ميزتها لان الفيتامينات كويسة اوى للشعر بس مش كلها بيروح للشعر شوية للظافر و شوية فين كدة يعنى )
الحقنة تكلفتها 100 جنية تقريبا
و بتبقى اول خمس جلسات مرة كل اسبوع
و بعد كدة مرة كل اسبوعين و هكذا و النتيجية كويسة اوى بس محتاجة وقت و صبر ​



تالت خطوة :
انتظمى على فيتامين كويس للشعر انا جربت كذا حاجة و سئلت كذا حد صيدلي معروفين كلهم اجمعوا على بنتوجار احسن واحد و مش شرط الى هو مش مصرى دى انا بجيب المصرى عادى و فرق معايا موت اصلا و العلبة ب 40 تقريبا لاكن المستورة ب 100او 100 و حاجة و سئلت عن الفرق قالولى انها نفس المكونات و النسب و كل حاجة بس الفرق فى طريقة التصنيع و هى مهمة طبعا بس اعتقد المصرى كويس بردوا. مش هتاخد منك بجد دقيقة واحدة و لو انتى مش مشعرة خالص خدى 3 لو مشعرة خدى 1 او 2 ​



​




رابع خطوة :
كريم روتاج و دى موجود فى الصيدليات و سعرة رخيص اوى ب حاجة و 30 او 20 بس
الطريقة: تحطى كل يوم مرتين الصبح و بليل و كمية قليلة على اى حتة خفيفة عندك فى شعرك و مش مهم الكمية الكبيرة المهم الانتظام يوميا مرتين فى اليوم دى الى بيجيب نتيجة و اصبروا بليز لان النتيجة بتظهر فى 5 شهور. و فى منة الزيت و الليسيون كمان ​


خامس خطوة:
انتظمى على زيت الخروع . استعملى كحمام زيت و حطى معاة زيت لوز حلو مثلا او سمسم قبل الدوش ب ساعتين 3 او 4 ايام فى الاسبوع وواظبى علية لان زيت الخروع من اكثر الزيوت الى بتساعد على نمو و طول الشعر وهو ممتاز للرموش كمان بس لازم تجيبى من مكان كويس زى حراز عشان بيكون مكتوب علية تاريخ صلاحية و دى صورتة​

سادس خطوة :
انتظمى على النخاع لانة من اجمل الحاجات الى بتساعد على نمو الشعر و نعومتة و لو عايزة الطريقة بالظبط شوفى موضوعى دى​


النخاع للشعر + فوايدة + الطريقة الصحيحة + صورة + مكان بيعة فى مصر غير الجزاريين​




​



تابعونا للحصول على المزيد من المعلومات الاخرى​





فى النهاية اتمنى ان يكون الموضوع قد نال اعجابكم​
 
التعديل الأخير بواسطة المشرف:
يجب تسجيل الدخول أو التسجيل كي تتمكن من الرد هنا.