نفسى ....

freedom

مشرف القسم الفلسطيني و المسابقات سابقا
#1

نفسى انام القاكى فى حلمى
نفسى اصحه القاكى فى حضنى
نفسى عمرى اعيشه ليكى
نفسى اضمك جوه قلبى
نفسى اهرب من الخيال
واقدر اوصل للحقيقه
نفسى اشوفك مش محال
نفسى اضمك ولو دقيقه
نفسى قطر الفراق يمر
نفسى بحر الشوق ينادى
يقولى تعاله نروح لبر
فيه ملاكى فيه حياتى
نفسى اطير واخدك معايا
نروح سوا عند النجوم
ولكل نجمه نسيب حكايه
وتبقى ذكرى فى اى يوم
نفسى اوصل للقمر
واقول له يبعت ليكى جواب
وهقوال له يكتب فيه بحبك
وكمان هايبعت ليكى عتاب
نفسى ادخل جوه قلبك
واسمع النبض الجميل
نفسى مره تقويلى بحبك
ولا ده شئ مستحيل
نفسى صورتى تكون فى عينك
وعينك تقول ليا كلام كتير
نفسى تسمعينى لمرة
فى نفسى ياما كتير ولكن
نفسى يوم اقدر اقول ليكى
انى لسه اكيد بحبـــــك
 

مزاج كاتب

مراقب اقسام
طاقم الإدارة
#2
رد: نفسى ....

أمنيات جميلة و همسات رقيقة و مشاعر في غاية اللطف أبدعت في تقديمها أخي محمد..شكرا لك و سلمت يداك :hh14 :xhlgy
 
#3
رد: نفسى ....

كلمات يعجر القلم عن التعبير
عن جمالها فانها اذا قرات

لزهور تفتحت او لنهر فاض
او لشمس تشرق او لنجوم تبرق
وكل شئ معي يعلن ان حرف ساحر
ورائع جدآ جدآ جدآ
سلمت اناملك اخي
وتقبل مروري المتواضع
لك خالص تحياتي