مع إن كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!
عجبى عليك .. عجبى عليك يا زمن
يا بو البدع يا مبكى عين دماً
إزاى أنا أختار لروحى طريق
وأنا اللى داخل فى الحياة مرغماً
عجبى !!
مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا الحياة
وبكره ح أخرج منها شايلنى شيل
عجبى !!
سنوات وفايته عليا فوج بعد فوج
واحدة خدتنى إبن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج ؟
عجبى !!
وأنا فى الضلام .. من غير شعاع يهتكه
أقف مكانى بخوف ولا أتركه
ولما ييجى النور واشوف الدروب
أحتار زيادة .. أيهم أسلكه ؟
عجبى !!
يتــ,,ــبع
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!
عجبى عليك .. عجبى عليك يا زمن
يا بو البدع يا مبكى عين دماً
إزاى أنا أختار لروحى طريق
وأنا اللى داخل فى الحياة مرغماً
عجبى !!
مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا الحياة
وبكره ح أخرج منها شايلنى شيل
عجبى !!
سنوات وفايته عليا فوج بعد فوج
واحدة خدتنى إبن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج ؟
عجبى !!
وأنا فى الضلام .. من غير شعاع يهتكه
أقف مكانى بخوف ولا أتركه
ولما ييجى النور واشوف الدروب
أحتار زيادة .. أيهم أسلكه ؟
عجبى !!
يتــ,,ــبع