تصور موطنك لو غير العراق

[ولصمتي حكاية...]

[ALIGN=CENTER][TABLETEXT="width:100%;background-image:url('http://www.7bal3rab.com/vb/backgrounds/11.gif');background-color:rgb(255, 20, 147);border:3px double rgb(255, 20, 147);"][CELL="filter:;"][ALIGN=center]
تصور موطنك لو غير العراق
بلاد وافترض صارتلك الصين

ومتغني بعد منصورة بغداد
لازم تنگلب منصورة بكين

واتخييل تعيش ابدون امجاد
وتتركهه المضايف والفناجين

ويتغير تراثك والحضارات
واسد بابل تبدلة بخلگ تنين

وعلم يصبح الك وبدون الله
عليك وتختلف كل القوانين

وبعد ماكو صلاة وتترك الصوم
وتترك دينك وتتبع شياطين

واتخيل بلاد بدون بغداد
واتخيل بلاد بدون الحسين

يمهم يختلف حت طعم الرغيف
يمهم تختلف حت ريحة الطين

الكيف هناك عدهم هو سلطان
ماتعرف زلمهه من النساوين

الشرف ينباع يمهم برخص اثمان
الغيرة هناك عدهم بالفلاسين

الجار هناك يمهم كلش رخيص
ابيّن وتشتري اشكال الجوارين

بسرعة اتذكرت جيراني العزاز
العشت وياه احلى ايام وسنين

چنه اطفال نلعب مثل خوان
چنه ورود وتلمنه البساتين

تفرقنه فقط بس ساعة النوم
وتغفه بنومنه عيون الدرابين

وقسم مابدّل بزهدية الفاو
هولندا وفرنسا وياهه برلين

صح عدهم امان وعايشة بخير
الفقير هناك عايش كالسلاطين

واحنه الجفن عدنه مخاوي الدموع
وفوگ جروحنه مصديه السچاچين


وتصور حالتك من دون العراق
وشوف شلون تختل الموازين

مثل مسجد تصير بدون اذان
ولامرة انقرت بيك القرائين

فرض گلنه نروح هناك ونعيش
وبعدني افرض فرض واحمرت العين

حمدت لله السترنه وجابنه هنا
ماغربلنه ربنه وجينه بالصين

الدنيه شتسوة من دونج يبغداد
والله بدون عينچ احنه ميتين

[/ALIGN][/CELL][/TABLETEXT][/ALIGN]

 

[بنوته مصريه]

رد: تصور موطنك لو غير العراق

شكرا على القصيده الحلوه
اكيد لبلادنا العربيه مذاق وعادات نفتخر أننا ننتمى اليها
ولا نستبدلها ايا كانت المغريات

 

[ولصمتي حكاية...]

رد: تصور موطنك لو غير العراق

تعطرت صفحتي بوجودكي الرائع
اسعدني وجودكي هنا
منورررررة حبي

 

[مزاج كاتب]

رد: تصور موطنك لو غير العراق

بغداد يا حسرة قلوب السلاطين..و يا عراق الأنبياء و الصالحين..
قصيدة جميلة راقت لي تحكي بلجة تهكمية و مقارنة شيقة بين دولتين..شكرا على إمتاعنا بها بنت بلادي..سلمت يداااك

 

[ولصمتي حكاية...]

رد: تصور موطنك لو غير العراق

اسعدني وجودك هنا
منوررررر الصفحة خيوو