كلمات اغاني طلال سلامه

البروفيسور

مشرف أقسام الفوتوشوب و الشباب
#1
ابتسم
ابتسم واضحك ومالك وللألم
وازرع البسمة على صحر الرمال
خلي الشمعة تضي لا تنطفي
قصتك أحلى من أحلام الخيال

مايداوي الكسر منهو انكسر
وآه من كسري يفوق الاحتمال
نار في قلبي دايم تشتعل
وقلبي بحاجة لهمسك والوصال
ونتك قطرة في بحور ونتي
مابقى في القلب للونه مجال
تتهمني بالكذب والغدر لا
أنا أكبر من كذا يابن الحلال

لو عرفت اللي جرالي تعتذر
وتفهم ان الحب مايقبل جدال
في غيابي عنك انا عذري معي
حجة الغايب معه مهما يقال
لو حجيت الظيييم اللي في خاطري
زلزل الدنيا وخلاها رمال
بقهره بالصبر وايمان القوي
حبي لك باقي كما العذب الزلال


كلمات: الناصر
ألحان: يعقوب الخبيزي
مقام:
تاريخ: 2004
 

البروفيسور

مشرف أقسام الفوتوشوب و الشباب
#2
رد: كلمات اغاني طلال سلامه

اخاف قلبي
اخاف قلبي يعشقك وتعذر
واخاف قلبك لاهي وبغيري مهتم
يامستحل القلب لك عين تسهر
تتمنى وصلك لكن الوصل ماتم

كم لي احاول اني انسى ولا اقدر
مهما خفيته من سكوتي بتفهم
كل الليالي من ورى شوقي تذكر
وان قلت ابنسى قال تنسى وتندم
ايه اعشقك كثر الهوى ويمكن اكثر
لا صار حبك دم بعروقي الدم
تدري المحبه بالوصل بس تكبر
والا القطاعه في شرع من حب تحرم


كلمات: العاني
ألحان: ماجد المخيني
مقام:
تاريخ: 2011
 

البروفيسور

مشرف أقسام الفوتوشوب و الشباب
#3
رد: كلمات اغاني طلال سلامه

ارسالك على بر
قول وارسالك على بر ..

يا تبي في الحب نبدأ .. او نخلي الشوق يهدأ
في الهوى لا لا تحير .. قول وارسالك على بر

اما تعلنها معايا .. او تخليني بهوايا
وانت ياعمري تخير .. قول وارسالك على بر

لا تعلقني في حبك .. في الهوى وش رأي قلبك
ياما انا قلبي تصبر .. قول وارسالك على بر


كلمات: علي الفضلي
ألحان: علي الجبر
مقام:
تاريخ: 1999
 

البروفيسور

مشرف أقسام الفوتوشوب و الشباب
#4
رد: كلمات اغاني طلال سلامه

اسأل علي
اقلها اسال علي شوف ميت ولاحي
ولا الفرح مستكثره يسكن في قلبي ولو شوي

ياخي ترى اللي بيننا اكبر من فراق وصدود
لوغبت اوصلك انا وان رحت ادري بك تعود

خليت للعالم عيون متعلقه في بابنا
وكل يوم اسأل واقول ياناس ما مر من هنا

ترى الحكايه كلها لحظه بسيطه من العمر
من دونك الدنيا شقى ما اشوف فيها اللي يسر


كلمات: احمد
ألحان: عبدالله البريكان
مقام:
تاريخ: 2008
 

البروفيسور

مشرف أقسام الفوتوشوب و الشباب
#5
رد: كلمات اغاني طلال سلامه

استأذنك
استأذنك لازم اروح ما اقوى على باقي الجروح
انت معي غامض كثير طبعي الوفا طبعي الوضوح
اللي يصير بعدي يصير ما يخاف ابد صافي الضمير
يوم الليالي تستدير يفرح وحساده تنوح
كنت بحياتي كل شي وانا بحياتك كل شي
واليوم كم تزعل علي حبك قتل فيني الطموح
اول بدينا بالسلام واليوم اقوله بالختام
لو جيت ودك بالكلام تلقاه جسد من غير روح


كلمات: سعد الخريجي
ألحان: طلال سلامه
مقام:
تاريخ: 2011
 

البروفيسور

مشرف أقسام الفوتوشوب و الشباب
#6
رد: كلمات اغاني طلال سلامه

اسرح مع فكري
اسرح مع فكري واداعب خياله
كنه قريب بين رمشي وعيني
ما لي غلا غيره ولا لي بداله
دنياي في قربه تطيب وتزين
قلبي عقب فرقاه واعزتاه له
ضاعت به الحيله ودايم حزين
ما هو بعيد ولا قريب مناله
اللي معاه زانت في عيني سنيني
كل الفرح لا من تهيأ وصاله
اهيم في قربه شمال ويميني
هذي حياتي كلها من حلاله
واللي بقى بالحب بينه وبيني
 

البروفيسور

مشرف أقسام الفوتوشوب و الشباب
#7
رد: كلمات اغاني طلال سلامه

اشغلت تفكيره
مجنون انا غيره ولا اريد انا غيره
ياما شغل بالي واشغلت تفكيره
كثير في طيبه قليل تعذيبه
كافيني عذالي حلوة عذاريبه
ابانتظر ايام دام الوعد قدام
يا لايم حالي من حب ما ينلام
سعادتي منه وان شان بي ظنه
من حقق آمالي ما اجوز انا عنه
اللي ملا دنياي اهواه انا انا برضاي
عزيز يبقالي مهما اختلفنا براي
شيخ على ربعه عنيد في طبعه
يقول يا غالي نصف العشر سبعة


كلمات: صقر الكعبي
ألحان: الفيصل
مقام:
تاريخ: 1999
 

البروفيسور

مشرف أقسام الفوتوشوب و الشباب
#8
رد: كلمات اغاني طلال سلامه

اشقيتني
اتعبتني يا ذا البعيد اشقيتني حيل
خليتني بعدك وحيد انادم الليل
يلالي لال حسيبك الله حسيبك
مدري اتذكر عشرتي والا نسيت
مدري ولهت لوفتي ومثلي شكيت
جاوبني فرج ضيقتي بس اكتفيت
من ظلمك اشكي لوعتي واشكي من الويل
لا صبحي صبح بدنيتي لا ليلي ليل
يلالي لال حسيبك الله حسيبك
اكتم مشاعر لهفتي وهمي يزيد
واشكي عذابي وغربتي لك يا عنيد
قربك ترى هو منيتي وحلمي الوحيد
من ظلمك اشكي لوعتي واشكي من الويل
لا صبحي صبح بدنيتي لا ليلي ليل
يلالي لال حسيبك الله حسيبك



كلمات: سعود الشربتلي
ألحان: طلال سلامه
مقام:
تاريخ: 1997
 

البروفيسور

مشرف أقسام الفوتوشوب و الشباب
#9
رد: كلمات اغاني طلال سلامه

الجوارح
ليت للقلب عين ولفؤادك عيون
كم تمنيت قلبك لي يرق ويحن
حس بخافي مشاعر من شجوني شجون
واطفي دمعات قلب اعتراه الشجن
ما غشاني ظلام ولا هيعت بي جفون
الجوارح عتيبه والأسى ما اندفن
بين نار ونار بين شك وظنون
بين موج وموج في لجيج الزمن
خذ حياتي حياتي واش بقى ما يهون
كل عمري من اجلك يا غناتي ثمن
بك احاسيس وجدي ما تعرف السكون
من عرفتك حبيبي ما عرفت الوسن
والمثل شوف ليلى ما غشاها جنون
قيسها كم مره حي ما دمت حن
الرجاوي لربي ما يكون او يكون
عالم بما ابوح وعالم بما اكن



كلمات: هزاع بن سلطان
ألحان: طلال سلامه
مقام:
تاريخ: 2004
 

البروفيسور

مشرف أقسام الفوتوشوب و الشباب
#10
رد: كلمات اغاني طلال سلامه

الحب اكبر بلى
مدام قلبك سلى لا حول باصبر عليه
الحب اكبر بلى الله يبليك فيه
الله يبليك فيه
انا ابتليت بعذابه وانت سعدت بغيابه
الله يال الغرابه بعته وانا مشتريه
الله يبليك فيه
ما كان يخطر ع بالي تنسى الغلى والليالي
غالي ويرخص بغالي هذي خيانه وتيه
الله يبليك فيه
غرك زمانك وزادك قسوه وحجر فؤادك
ان كان هذا مرادك حاضر ولك ما تبيه
الله يبليك فيه
 

البروفيسور

مشرف أقسام الفوتوشوب و الشباب
#11
رد: كلمات اغاني طلال سلامه

الحب والغيره
يا ليتني ما عرفت الحب والغيره
ولا تولعت في مدعوج الأعياني
المشكله اني ابيه ولا ابي غيره
وهو يصدق كلام فلان وفلاني
في ضحكته نور بارق نور الديره
وبين العذارى رفيع القدر والشاني
ادعج غنج والحلا ما خذا غيره
جثل الذويه خفيف الدم طرباني
اول وانا مشغلا قلبه وتفكيره
واليوم ماهمه الا بس يجفاني
اللي حصل لي صعيب اليوم تفسيره
مير الله اقوى على من صد واشقاني


كلمات: سعد الخريجي
ألحان: صالح الشهري
مقام:
تاريخ: 2011
 

البروفيسور

مشرف أقسام الفوتوشوب و الشباب
#12
رد: كلمات اغاني طلال سلامه

الحق ينقال
للحين ماجاني اللي يهز عرشك في قلبي
ولا لقيت اللي يقدر ينبض بين يديك حبي

للحين وضعك قوي عنيد حبك وقاسي
الحق ينقال انت غيرك ماحد جاب راسي

حاولت انا اتغلى وحاولت ازعل عليك
لكن احس ان قلبي يروح عندك يـبـيـك

هددتك بحب ثاني جديد شوق وغرام
وطلعت انا ياحبيبي ماني بقد الكلام

للحين ماجاني اللي يهز عرشك في قلبي
ولا لقيت اللي يقدر ينبض بين يديك حبي


كلمات: علي الفضلي
ألحان: الفهد
مقام:
تاريخ: 2006
 

البروفيسور

مشرف أقسام الفوتوشوب و الشباب
#13
رد: كلمات اغاني طلال سلامه

الزوايا
في الزوايا .. فيه لك باقي بقايا
ليل هادي .. شوق واحساس وهدايا
مابقى في هالمكان .. غير أنا وحبي اللي كان
وانت وينك .. قلي وينك
تشتكي من غيبتك كل الزوايا
وهذي هي كل الروايه .. في الزوايا

يامساء عذب الكلام .. هو صحيح انك مسافر
يتبعك سرب الحمام .. وان لك بالغيم سامر
فيه ترتاح وتنام ..
مد لي راحة ايدينك .. ايه خذني
من جحيم الشوق ساعة .. بس ساعة
خاطري امشي معك فوق الغمام
وانت وينك .. قلي وينك
تشتكي من غيبتك كل الزوايا
وهذي هي كل الروايه .. في الزوايا


كلمات: جاسم بن همام
ألحان: النايف
مقام:
تاريخ: 2008
 

البروفيسور

مشرف أقسام الفوتوشوب و الشباب
#14
رد: كلمات اغاني طلال سلامه

الزين كله
الزين كله والحلى لو تشوفون
اللي وهبها الله زين على زين
محبوبتي في زينها القلب مفتون
زايد حلاها غير كل المزايين
من زينها كل العذارى يغارون
ردف وعنق والسحر داخل العين
مزيونة ما غيرها لو يقولون
وبحسنها ترجح جميع الموازين
صارت مثل ليلى وانا صرت مجنون
وفحبها قلبي مولع ومسكين
وشلون ابانسى باهي الخد وشلون
لا صار قلبي بالغلى يشكي البين


كلمات: خالد البذال
ألحان: يعقوب الخبيزي
مقام:
تاريخ: 1996
 

البروفيسور

مشرف أقسام الفوتوشوب و الشباب
#15
رد: كلمات اغاني طلال سلامه

الطفل الكبير
ليه أحبك هالكثر قد روحي والعمر
حتى من تغلط بحقي انا اعطيك العذر
انت مابك شيء غير الا بس قاسي كثير
وانا ما ادري وش جبرني فيك ياطفلي الكبير
انسى عمري لو حضنتك والقى عمري لو لمستك
وافقد الدنيا بكبرها لحظة واحدة لو فقدتك
انت مابك شيء غير الا بس قاسي كثير
وانا ما ادري وش جبرني فيك ياطفلي الكبير
رغم تعذيبك لقلبي وعدم تقديرك لحبي
ورغم انك شخص قاسي موت انا احبك وربي
انت مابك شيء غير الا بس قاسي كثير
وانا ما ادري وش جبرني فيك ياطفلي الكبير

ليه أحبك هالكثر قد روحي والعمر
حتى من تغلط بحقي انا اعطيك العذر


كلمات: علي الفضلي
ألحان: الفيصل
مقام:
تاريخ: 2006
 

البروفيسور

مشرف أقسام الفوتوشوب و الشباب
#16
رد: كلمات اغاني طلال سلامه

الفراغ
الفراغ اللي بحياتي بعدك انت ياحياتي
والله ما يمليه غيرك لا ولا يرجع حياتي
يا حبيب القلب وينك قلبي محتاج لحنينك
تستمر الدنيا لكن وقفة بعدك حياتي
كلما عالبال تطري يابعد روحي وعمري
هل دمع العين هل يا ترى بالحال تدري
انا متعود عليك انا محتاجك ابيك
كلما فكرت فيك تنطفي شمعة حياتي
الدقايق والثواني كلها تبكي عليك
انت اولى الناس فيني وانا اولى الناس فيك
رد روحي باتصال ما ابي اكثر من سؤال
خايف اموت بغيابك وما اشوفك في حياتي


كلمات: علي الفضلي
ألحان: الفهد
مقام:
تاريخ: 2011
 

البروفيسور

مشرف أقسام الفوتوشوب و الشباب
#17
رد: كلمات اغاني طلال سلامه

الله اقوى
الله اقوى يا حلاته وحلاة عيونه
ترمي السهم تجرح وثم تداوي
طحت لاني في عقلي ولا بجنونه
طحت بيديه والله ولاني قاوي
يوم اقبل بزينه ومشى بالهونه
بلون لا ابيض ولا اسمر ولا حنطاوي
يمشي والناس حوله ولا يهمونه
ياخذ العين كنا البدر هو ضاوي
ليت لو شاف حالي معه وشلونه
ليت لو قال فيني وش اللي ناوي
صرت واحد من الفا هم يحبونه
حظي وحظ غيري بهواه متساوي


كلمات: احمد علوي
ألحان: يحيى عمر
مقام:
تاريخ: 2011
 

البروفيسور

مشرف أقسام الفوتوشوب و الشباب
#18
رد: كلمات اغاني طلال سلامه

الله الله يا منتخبنا
الله الله يا منتخبنا
ان شاء الله تحقق املنا
باسم الوطن .. العب بفن
العب يا كابتن مثل بلادك
ولك الشرف
خطط لهجمه مرسومة رسمه
تصنع هدف
هز الشباك جمهورك وراك
يهتفوا يهللوا .. يهللوا ويهتفوا
الله الله يا منتخبنا


كلمات: محمد صالح نوار
ألحان: محمد شفيق
 

البروفيسور

مشرف أقسام الفوتوشوب و الشباب
#19
رد: كلمات اغاني طلال سلامه

املك الدنيا
انا لو املك الدنيا
ولو هو كان بيدي شي
لااسوي كل شي يرضيك
ولا اخلى بنفسي شي
بحقق كل رغباتك
لان تكفيني بسماتك
انا والله وحياتك
ما اخلي بنفسي شي

تبيني وماتبي غيري
وابيك وماابي غيرك
لانك تقرى افكاري
مثل ما اقرى تفكيرك
في هالحب فاهمني
وفي هالكون مشغلني
يا اغلى الناس صدقني
اما اخلي بنفسي شي

ابقضي عمري بجنبك
واعيشك بعمر ثاني
لاني وربي وربك
نسيت في قربك احزاني
ياساكن نبضي وصدري
وتشبه باغلا عمري
انا مازعلك تدري
وما اخلي بنفسك شي


كلمات: عبدالله بودله
ألحان: ياسر بوعلي
مقام:
تاريخ: 2008
 

البروفيسور

مشرف أقسام الفوتوشوب و الشباب
#20
رد: كلمات اغاني طلال سلامه

انت لي
انت لي مو لاي احد ثاني
ومن يقرب منك ياويله
اللي في حبك تحداني
اقلب الدنيا على ليله

انا ربيتك في احضاني
وانا قلبي اللي اهدم حيله
مين يجيك بشوق ضمياني
ادعي الله يومه يجيله

انته اهلي وانته خلاني
وانت شي صعب تبديله
لايفكر فيك انساني
ولاعاشق ايده طويله


كلمات: علي الفضلي
ألحان: الفهد
مقام:
تاريخ: 2008